للمرّة الأولى – صور لشقيقة ياسمين صبري الفرنسية… تعرّفوا إليها
بعد ساعاتٍ على تصريحات النّجمة ياسمين صبري ضمن برنامج بودكاست Big Time مع الإعلامي عمرو أديب، خرج والدها عن صمته بطريقة غير مباشرة.
وردّ الطبيب أشرف صبري على تصريحات إبنته ياسمين حول عائلتها، عبر نشر صور لها في طفولتها مع أفراد أسرتها ومن بينهم شقيقتها الفرنسيّة نرمين مع المربية الفلبينية.
وأرفق المنشور بتعليقٍ جاء فيه: “بعد الواحد ما كبر ويشوف ولاده يحمد ربنا اتربوا كويس رغم أننا طبقة متوسطة عاشوا في بيت ابوهم وبناتي كانوا في مدرسة انكليزية بتاعة الطبقة المتوسطة. كنت مهتمّ تكون مربيتهم فلبينية عشان يتكلموا اللغة الإنكليزية كويس بتاعة الطبقة المتوسطة واشتغلت طبيب واتعلمت بره عشان انجح اولادي في الطبقة دي وابني كان في مدرسة فيكتوريا”.
وأردف: “دلوقتي ابني في اميركا بيشتغل بعد ما جوزته الحمدلله ونرمينة بنتي جوزها دكتور اطفال من الطبقة المتوسطة والتانية فنانة – وعندي بنت أخرى فرنساوية كنت بفسحهم دايما في اليخت بتاعي الصغير بتاع الطبقة المتوسطة! ولما باتفرج علي حفيدتي اما بافرح ومنتظر عم بلال يجيب ولي العهد يا رب. كلهم بيحبوا ابوهم والكسندرا حتتجنن وتيجي مصر لأنها مع أمها في فرنسا عشان تقعد مع أبوها وهي الوحيدة البعيدة لكنها لها أم محترمة تعرف تخلي ابوها رمز حتى لو بعيد ومنتظر وصولها بفارغ الصبر”.
وختم قائلاً: “احيانا يطلع عيل من عيالك براوي وناكر للجميل ويتكلم كأنه بيمثل فيلم كله اختراعات لكن دي سنة الحياة. المهم إنهم كويسين وبخير. واحب اوضح اننا كنا سعداء في الطبقة المتوسطة دلوقتي الحمدلله انتقلنا إلى الطبقة الأقل من المتوسطة وربنا يستر ما ننزلقش إلى تحت الأرض”.
