بسمة بوسيل تتحدث عن عودتها لتامر حسني
كشفت الفنانة بسمة بوسيل عن إمكانية العودة لزوجها السابق النجم تامر حسني، إذ ردت بسمة على سؤال الإعلامية منى عبد الوهاب في برنامج “ع المسرح” المذاع على قناة الحياة حول أنها تحررت بعد الطلاق وقالت: “بعد الطلاق تحررت من حاجات كثيرة كانت عاملة لي ضغوط”.
وأضافت أن نمط حياة تامر صعب ومتعب و”لازم آخد وبالي منه كويس جدا”، إذ قالت: “كان في حاجات معينة ماكنتش بقدر أعملها بسبب الضغوط المسئوليات ولأني كنت مشغولة جدا”.
وتابعت “متجوزة إنسان بحجم تامر حسني مش سهلة.. إنك تكوني متجوزة نجم بالحجم دا بيمثل وبيغني وبيسافر وحفلات وبيروح ويجى ومسئوليات ولاد ، وردت على سؤال عن حلم الرجوع لتامر حسني وقالت هو هيتحقق إن شاء الله”.
كما قالت: “حققت أحلامي لما جيت مصر، ولقيت فيها حلم حياتي، وشهرة تامر حسني كانت مستفزة ومخيفة بالنسبالي وكنت بخاف واتهز نفسيا لحد يعمل فيا حاجة، واخترته عشان حبيته وكنت عاوزاه يبقى أبو عيالى وضحيت بالغناء عشانه”.
وأضافت بوسيل، خلال حوارها لبرنامج “ع المسرح” تقديم الإعلامية منى عبدالوهاب عبر فضائية “الحياة”: انا عصبية وبتأثر بالحاجة أكتر من أى حد، وعشت ضغط نفسى قبل زواجى، وصريحة مبعرفش أنافق، واللى يحصل يحصل”.
وأكدت بوسيل، “أبويا في آخر أيام عمره كان حزين عليا، وكان قريب جدا مني، وقال لي “نفسي أشوفك مبسوطة، ولو عايش دلوقتي هيشوفني في أسعد أيام حياتي، لافتة إلى أن حلم الرجوع لتامر حسنى سيتحقق إن شاء الله”.
