شكران مرتجى تردّ على منتقي دورها في “لعبة الحب”
خرجت الممثّلة السوريّة شكران مرتجى من القالب والأدوار التي عوّدتنا عليها، لتطلّ ضمن إطارٍ مختلف في مسلسل “لعبة الحبّ”، ما عرّضها للكثير من الإنتقادات.
وفي التفاصيل، فقد كتب شكران مرتجى، عبر حسابها الرسميّ على تطبيق إنستغرام، ما يلي: “مرحبا يا محبين شكراً ع كل شي دعم حب فرح لفرحي كلام حلو متابعة شكراً وممتنة لقلوبكم بالنسبة للعبة حب وكل شي. بدي قول شي إنقطع شغلي بكتير أعمال بحجة إنه لا شو بدكم فيها بتاخده للدور ع غير مطارح بمعنى (بلدي.أوفر.مابيلبقلها.وووووو) يوماً ما بذكر هي الأعمال وكيف كنت بدور وانبعتلي شي تاني لحتى أعتذر”.
وتابعت: “بعرف كل شي وبيصلني بزعل وبغص لأنه بيكون من ناس مفكرتهم محبين ماعلينا أنا صح باخد الدور لمطرح مالازم يروح باخده لمطرح يميزه ويخليه مختلف وخاص بشكران لأني مالي متلكم بيتفصلي الدور تفصيل أو بنقي اللي عجبني طول عمري بينبعتلي الدور اللي بده شغل وإجتهاد تاركتكم بحالكن اتركوني بحالي وبفرحتي بإني طلعت من قالب غريب لدرجة إنه العالم بس تشوفني بتستغرب هي شكران إيه هي شكران حلوة وذكية وقوية ومجتهدة وشغوفة ومحبة وبتغار بس مابتئذي حطو مية خط تحت مابتئذي لاسراً ولا علانية وشكراً لانه طلع وجودي بكتير أعمال ممكن يقلق البعض”.
View this post on Instagram
وأردفت: “المهم شكراً لكل حدا أشتغلت معه وحبني وساعدني لأخد الدور لمطرح تاني شكراً لكل مخرج وشركة بتراهن عليي ببلدي وبرا بلدي وحقيقة هنه كتار ولكل حدا بيعتبرني إضافة. شكراً هالمرة لسارة دبوس اللي أصرت تطلعني من القالب بس ضل نفس الروح بمتابعة أدق التفاصيل رغم مشاغلها وديما الصفدي وحمادة جمال الدين شكراً لمخرج ما بيعرف لغتي بس عرفني وعرف شو أنا كممثلة من أول لقاء ووثق وعطاني ملاحظات لكون أفضل vedatuyar الأستاذ، والأكتينغ كوتش الأستاذ orwa alarabi القلق والمثابر”.
وختمت: “عرفتني ساره ووثقت متل ماعملت مع كتار ورغم إنه بعيده رغم كتار قراب بس مابيعرفوني شكراً لكل أسرة لعبة حب من صغير لكبير والشكر الأكبر للجمهور والناس ودائرتي الصغيرة المحبة قول وفعل وبحبكن بعتذر عالإطالة هالإطلالة الخاصة من توقيع الغوالي⬇️”.
تجدر الإشارة إلى أنّ شكران مرتجى تشارك في مسلسل “لعبة حب”، النسخة المعرّبة من المسلسل التركي “حب للإيجار”. بدور السيدة فريدة، زوجة سلطان بيك، الذي يلعب دوره الفنان أيمن زيدان.
